2009-mi inuit 175-t imigassamut katsorsartipput

Imigassamik aningaasanoornermullu nappaatillit katsorsartinnerat inuiaqatigiinnut ukiumut 5 million kroninik naleqarpoq.

WHO-p kisitsisaataasa takutippaat inuit quliugaangata ataaseq imigassamik nappaateqartuusartoq. Taamatut nappaateqarneq suliffigisamut pissusilersiornermut minnerunngitsumillu ilaquttanut imigassamik pinngitsuuisinnaanngitsumik inooqateqartunut kingunipiloqartarpoq.

Imigassamik ajornartorsiuteqartut marlunnut immikkoortinneqarsinnaapput. Aappaa tassaavoq inuusinnaassaguni ullut tamaasa promillemik aalajangersimasumik annertussusilimmik imertariaqartoq. Aappaalu imigasartornerminik aqutsisinnaanngitsoq, ullut tamaasaanngikkaluaq akulikitsumilli imertartoq imeraangamilu allatut pissuseqalersartoq.

Taakku arlaannaallunnuulliit ilaagaluaraanni tamanna ilaquttanut meeqqanulu inuttut kingunipiloqartarpoq, imigassamillu ajornartorsiuteqartoq katsorsartinngikkuni imigassamik toqquteqarsinnaavoq.

Pissutsit pvisiusut tamanna takutippaat. Nunatsinnilu ajornartorsiut taanna nunani allanisuulli ippoq. Anda Uldumip Demokratineersup Peqqissutsimut Naalakkersuisumut Agathe Fontainimut apeqqutigaa imigassamik aningaasanoornermullu nappaatillit inuiaqatigiinnut qanoq akeqarnersut.

Anda Uldum akivaa, apeqqut nuannaarutigalugu, upernaakkullu ataatsimiinerup ingerlanerani apeqqutip sammineqarnissaa isumanigniarlugu.

Oqaatigaa 2009-mi inuit katsorsartittut 175-iusimasut, taakkunanngalu iluatsittartut 66 procentimiillutik. Ajornartorsiuteqartumik qanigisaanillu katsorsaaneq nunatsinni ukiumut 5 million kroniuvoq.

Illit atornerluinerup tungaatigut qanoq inissisimanerit takusinnaavat netdoktor takullugu misilillugulu uani

Powered by Labrador CMS