Røde Korsimi suleqataasoq saqqarmiulerneqalerpoq
Dronning Margrethep ullumi 70-iliineranut atatillugu naluttarfimmi pisortaq Calle Tøtrup Ataqqinartorsuup nersonaasiuttagaanik saqqarmiulerneqassaaq.
Tunniunneqarneranut tunngaviuvoq Calle Tøtrup Røde Korsimi piffissami 1980-ikunniit piumassutsiminik sulisimammat ukiunilu kingullerni arfineq marlunnit nunatsinni, Kalaallit røde Korsiat ilisimatitsivoq.
Calle Tøtrup naluttarfimmi Malimmi pisortatut atorfininnerminiilli Kalaallit Røde korsiani sulisimavoq, ilaatigut Nuummi immikkoortortami ilaatigullu nunatsinni ikiueqqaarnerup iluani ataqatigiisaarisutut.
Calle Tøtrupip sulineratigut ullumikkut nuantsinni ikiueqqaarneq tamanit ilisimaneqalersimavoq, inuillu amerliartuinnartut ikiueqqaarnissamik ilinniarsimapput, KRK-mi allaffimmi pisortaq Kirsten Mortensen allappoq.
Ilanngullugu ilisimatitsissutigaa Calle Tøtrup nulialu Helga nunatsinnit aallarniarlutik aalajangersimasut Danmarkimi meeqqatik ernuttatillu peqqutigalugit nunatsinnii aallarniarlutik.
Ataqqinartorsuup saqqarmiua naluttarfimmi Malimmi ullumi tallimanngornermi apriilip 16-ani nalunaaqutaq 16.15 KRK-mi siulittaasup tullianit Parnûna Heilmann Olesenimit tunniunneqassaaq.