Innermik anitsinerup Danmarkimut angalaneq taamaatittariaqalersippaa
Silaannakkut angallannermut oqartussat Atlantikup avannaani timmisartuussinerit ilaannik matussipput, Islandimi innermik anitsisartup anitsinerata kingorna.
Ullumi apriilip 15-ani Air Greenlandip Atlantikoq qulaallugu Københavnimiit Kangerlussuarmut timmisartuussinissani GL781 utimullu GL782 taamaatippai.
Tassunga peqqutaavoq silaannakkut angallannermut oqartussat Atlantikup avannaani timmisartuussinerit ilaannik matusinerat, Islandimip kujataani innermik anitsisartup anitsinerata kingorna.
Air Greenlandip angallannermut qullersaqarfianit Islandimi pisut aammalu oqartussat akuersissutaat innersuussutaalu malinnaavigeqqissaarneqarput nittartakkakkullu www.airgreeenland.gl-ikut malinnaatitsissalluni.
Innermik anitsinerup nassatarisaanik ilaasut ornitaminnut apuussinnaanngitsut unnuinissaat nerisaqarnissaallu Air Greenlandip isumagissallugu nalunaaruteqarpoq.
Ilaasussat ullumikkut Danmark-imiit Danmarkimullu angalasussaagaluit mittarfimmut aallarfissaminnut saaffiginninnissaat Air Greenlandimit kissaatigineqarpoq.
Air Greenlandip ullumikut nunatta iluani angalasussat ornitaannut apuunnissaat isumagissallugu nalunaaruteqarput.