Ukunani immiaaraq akisunerpaallunilu akikinnerpaavoq
Nunani nunarsuarmi immiaaqqap akisunerpaaffiini nunarput akisunerpaat tallimat akornanniippoq, misissuinerup nutaap takutippaa.
Immiaraaqqamik mamarisaqarluaraanni immaqa nittartagaq Pintprice.com alakkarneqartariaqassaaq. Tassani takuneqarsinnaavoq sumi immiaaraq akisunerpaanersoq, nittartagaq upperissagaanni, Berlingske Tidende allappoq.
Akit inunnit nunarsuarmit tamarmit nasisussaapput, Norgemilu immiaaraq nunarsuarmi akisunerpaavoq. Tassani immiaaraq literip affaa 50 kroningajannik akeqarpoq, nunarpullu akisunerpaat tallimaraat imigassap iluatinnaqisup literip affaanut akia 40.07 kroniugami.
Nittartakkami aamma takuneqarsinnaavoq, akikitsumik immiaarartorniaraanni sumunnartariaqarnersoq.
Nunat akininnerpaamik immiaaqarartut qulit akornanniipput nunat ilisimaneqarpinanngitsut, immaqalu angalaarfigissallugit orniginartorsuunngitsut, tassalu ilaatigut Tadsjikistan, tassani immiaaraq literip affaa 2 kroninik akeqarluni, tassalu nunarsuarmi immiaaqqat akikinnersaat.