KNI-mi attaveqarnermut pisortaq

Shiva Xenia Brunsvig, 33-nik ukiulik ullumimiit aprilip 19-aniit KNI-mi attaveqarnermut pisprtanngorpoq, tassalu Pilersuisumi engrosimik tuniniaaqqinnermilu immikkoortortami, nukissiuuteqarnermut immikkoortortami Polaoilimi Neqimilu.

Shiva Xenia Brunsvig tusagassiortutut cand.comm-ip iluani ilinniarsimasuuvoq.

Nunarsuaq tamakkerlugu suliffeqarfissuarmi Carlsberg Groupimi attaveqatigiinnermut siunnersortitut sulisimavoq, ukiuni kingullerni marlunni Carlsbergimi aqutsisunut pisortamullu Danmarkimi suliffeqarfiup iluani siunnersortaalluni.

Taassuma saniatigut DJØF-ip atugassiaani namminersortutut sulisuulluni kiisalu svenskit pisussanut atuagassiaani Det Händermi.

Atorfik qanoittukkut pilersitaavoq, KNI-miillu aallaqqaammut suliffeqarfiup iluani attaveqaqatigiinneq sammineqassaaq.