Takornariaqarnermi ulapaarneq nipaannerlu

Sap. akunnerani kingullermili innermik anitsisup arsakui timmisartornermi akornutaalermatali, nunatsinni takornariartitsinerup iluani ilaanni ulapaartitsillutillu ilaanni suliassaqartoqanngilaq.

Kangerlussuarmi mittarfik soqanngitsoq. Assi: Malik Milfeldt.

Nuummi Hotel Hans Egede ulikkaartoq piginnittuminut ilungersortitsivoq.

- Ineeqqat tamarmik atorneqarput, illoqarfimmilu unnuiffiusinnaasunik alanik pissarsiuuppavut, pisortaaneq Helge Tang oqarpoq.

Nuuk Tourismimi pisarnermiit amerlanermik takornarianik niuertarfimmut isertoqartarpoq kangerlummullu angalaarnissat ulikkaarput.

- Angalanissanik allanik pilersitsinissatsinnut piareersimavugut pisariaqassappat. Qulimiguullit angallatillu atorlugit, pisortaq Therese Kreutzmann oqarpoq, nangillunilu, inuit kipiluttunartorsiortut, paasisinnaagaalli allatut iliortoqarsinnaanngitsoq piffissaq ingerlaniaasammat.

- Inuit saperngusut sammisassaqartinniarlugit ilungersorpugut, Therese Kreutzmann oqarpoq.

Ilulissani, Sisimiutni Kangerlussuarmilu takornariaqarnermik suliallit nuannaarutigaat, qimusserartitsineq naammassingajalissammat, tassanimi qimusserarneq eqqorneqanngilaq, World of Greenlandimili pisortap Espen Andersenip ernumassutigaa, angalanissat taamaatittuaannassappata annertuumik annaasaqarnissartik.

- Soorunami tamanna neriuppugut allanngortoqassasoq, taamaanngippammi kaaviiaartitagut equsuussapput, oqaproq.

Jørgen Larsen Kangerlussuarmi aamma takornarialerisoq isumaqarpoq innermik anitsisoq piffissami ajornerusumi pisinnaasimasoq, aasami pisimasuuguni.

- Takornariaqarpoq 30-nik sunik tamanik Kangerlussuarmi angalanissanik misiliisimasunik. Neriniartarfimmi neriniartoqanngilaq, angalanissanullu aaqqissuussatsinnut ikittuinnaat nalunaarsimapput, Jørgen Larsen oqarpoq.

Nunatsinni Takornariaqarnermut Inuussutissarsiornermullu Isumasioqatigiit neiruutigaat, imarpik qulaallugu timmisartuussinissat qanittukkut aallarteqqinissaat.

- Taamaaginnassappat ernummatigaarput nunatsinnut takornariarniarlutik inniminniisimasut sapaatip akunnerini aggersuni taamaatiinnassagaatr, nalunngilarpummi tmanna ulluni makkunai pisalereersoq, pisortaaneq Anders Stenbakken oqarpoq.

Neriuutaaginnalerpoq angalasut saperngusut aallarsinnaalernissaatinnermik anitsisartup siminneratigut.

Powered by Labrador CMS