Immaqa marlunngorpat imarpik qulaanneqassaaq
Marlunngorpat imarpik qulaallugu timmisartuussisoqarsinnaanersoq Air Greenlandip tamaviaarluni misissorpaa.
Air Greenlandip maannakkorpiaq sulissutigaa, marlunngorpat apriilip 20-ani imarpik qulaallugu timmisartuussisoqarsinnaassannginnersoq. Taama allappoq airgreenland.gl.
Ulloq taanna timminissat tamarmik taamaatiinnarneqarsimagaluarput, Islandimi arsakunik nuissat peqqutigalugit, maannakkulli naatsorsuinerit takutippaat, Københavnip mittarfia immaqa marlunngormat akunnialuit ammassasoq, taammassappallu Air Greenlandimit timmisartut marluk Atlantikoq qulaallugu timmisartuussisissat aallarsinnaassallutik.
Air Greenlandip aamma misissorpaa timmisartuutileqatigiinnit allanit timmisartunik attarfortoqarsinnaanersoq. Tamakku ataasinngornermi ualikkut paasinarsitinnagit timmisartuussisoqannginnissaanik aalajangiinerit atuukkallarput.
Tamanna ima kinguneqassaaq ilaasussat marlunngornermi apriilip 20-ani Danmarkip nunatta akornanni timmisartornissaminnik inniminniisimasut mittarfimmut ORNIGUTISSANNGITSUT, taamaattorli ualip ingerlanerani susoqarnissaanik nalunarfigineqarumaartut, Air Greenland nalunaarpoq.