Kalaallit napparsimasut Norgemut
Innermik anitsisoqarneratigut qallunaat islandimiullu napparsimmaviini katsorsaanissaq pisinnaanngilaq.
Islandimi innermik anitsisup arsakui nunatsinni napparsimaruloortunut ajornartorsiortitsilerput. Norgelli avannaani ilisimatusaatigalugu napparsimmavik Tromsømiittoq ulapungaarsimasutut atorneqalerpoq.
Nalinginnaasumik nunatsinni napparsimaruloortut immikkut ittumik katsorsarneqartussat Reykjavikimut imaluunniit Københavnimi Rigshospitalimut oqqunneqartarput.
Innermik anitsisup arsakuisa allatut iliornissaq pisariaqalersippaat. Taamaattumik nunatsinni napparsimaveqarfimmiit Skandinaviap avannaani napparsimmaviit saaffigineqarsimapput paasiniarlugu napparsimasunik katsorsaaffiusinnaanersut.
Nunatsinniit nammineq napparsimasut Tromsømut timmisaartuunneqarnissaat isumagineqarpoq.
Nunatsinni peqqinnissaqarfimmi sulisut, Norgep avannaani Universitetssygehusimi AMK-centrali Norgemilu silaakkannut angallannermi oqartussat assartuinermik ataqatigiissaarineq suleqatigiiffigaat.