Napparsimasut Islandimut timmisartuunneqartut
Napparsimasunik Tromsømut timmisartuussisoqanngilaq. Peqqinnissaqarfimmiilli napparsimasunik Norgemut timmisartuussisinnaaneq ammatinneqarpoq.
– Norgemi Tromsømut napparsimasunik timmisartuussinngilagut. Norgemilu oqartussanik attaveqarnissatsinnut periarfissaqarpugut, napparsimasunik Norgemut timmisartuussisariaqalissagutta, Peqqissutsimut naalakkeersuisoqarfimmi pisortaq Ann Birkekær Kjeldsen Sermitsiaq.ag-mut oqarpoq.
Nutaarsiassaqartitsiviup Ritzauip kalaallit napparsimasut Norgemut tinnisartuunneqarnerannik nutaarsiassaq nalunaarutigaa. Taamaattorli peqqinnissaqarfimmiit taamaaliornissamut periarfissaq ammmatinneqarpoq, Norgellu avannaani Tromsømut napparsimasunik timmisartuussisoqarsimanngilaq.
ALLAASERISAQ ATUARUK: Kalaallit napparsimasut Norgemut
– Tallimanngormat napparsimasut marluk pingasut Islandimut timmisartuuppavut. Norgemulli timmisartuussinngilagut, taamaattorli periarfissaq taanna ammatipparput, Ann Birkekær Kjeldsen oqarpoq.