Atlantikoq ikaarlugu attaveqaatitigut periarfissat suleqatigiiffigineqarput

Nunatsinniit TELE Greenland A/S, E-Farice Islandimiit kiisalu Eastlink Inc. Newfoundlandimiit Canadamiittumiit Nordunetimik Canariemillu attaveqaatitigut periarfissat pillugit isumaqatigiissuteqarput. Attaveqaatit atorluarnissaat pillugu suliffeqarfiit pingasut Atlantikoq ikaarlugu attaveqaatitigut periarfissat pillugit suleqatigiinnissamik isumaqatigiissut imaqarpoq.

Internetikkut attaviup sukkasup sekundimut 10 Gigabits-iusup, universitetit suliffeqarfiillu Skandinaviami, Island-imi, Canada-mi, USA-milu iluaqusissavai. Kingusinnerusukkut Nuummi universitetip ilanngunnissaa naatsorsuutigineqarpoq.

Taamatut aaqqiinissaq aalajangiunneqarsimavoq, taamaliornikkut teknologi nutaaliaanerpaaq atorneqarsinnaammat, saniatigullu pinngortitap illersornissaa, silallu allanngoriartornerata kingunerisai isiginiarneqarlutik.

"Nordunet-imit Amerikap avannaanut aqqummik toqqaaniarnitsinni pingaartissimavarput, sapinngisamik silaannarmut CO2 –mik mingutsisinerup millisarnissaa, pinngortitallu illersornissaa. TELE Greenland-ip "Greenland Connect”-ianik, E-Farice’s "DANICE"-anik, "FARICE-1-imillu" kiisalu Eastlink’s nunami attaveqataannik atuinissamut toqqaanerput tulluarsoraarput, taakkumi kabeliutaat 100%-imik erngup nukinganik, puilasunillu kissartunit aallaveqartunik innaallagiaqarput." Rene Buch, CEO NorduNet-imeersoq oqarpoq.

”Nalunngilarput unammillersinnaasumik nioqquteqarluta, tulluusimaarutegaarpullu atuisunit pinngortitap illersornissaanik pingaartitsisunit atorumaneqaratta” Peter Møller, TELE Greenland A/S-imi Interconnect Manager-iusoq oqarpoq

Attaveqaatit akoranni suleqatigiilernikkut Tele suliffeqarfiit allat suleqatigalugit Canadap, Amerikap nunanallu alat akornanni sukkanerpaamik isumannaannerpaamillu attageqarnissamik neqerooruteqarsinnaalerpoq.

TELE Greenland A/S pillugu

TELE Greenland A/S Kalaallit Nunaanni kisiartaalluni nalunaarasuarnermi attaveqaatinik neqeroortuuvoq. 100 %-imik naalakkersuisunit pigineqarpoq. Suliffeqarfiup attaveqaateqarnermut, allakkerinermullu tunngasut ingerlatarai, Kalaallit Nunaallu tamakkerlugu 600 miss. sulisoqarluni.

2008-mi ukiumoortumik kaaviiartitai 734 million kr.-iupput akileraarutillu peernagit ukiumut ilunaarutai 105 million kr.-iullutik.

TELE Greenland A/S-ip sullissinermini neqeroorutai akigititaalu Europami nunanut assigusunut assigupput, tassani pineqarlutik, telefonit nalinginnaasut GSM, UMTS, Internet sukasooq aamma VPN. Suliffeqarfiup aamma radio-mik TV-millu siammartiterineq, timmisartunut attaveqarneq, imaani angalasunut attaveqarneq, sumiissusersiutinullu tunngasut isumagisarai.

E-Farice pillugu

Eignarhaldsfelagid Farice Island-imeersuuvoq, imaatigullu kabeli DANICE Island-ip Danmark-illu akornaniittoq pigalugu, aammattaaq FARICE-p imaatigut kabeliutaata 80 %-ia Faroes-imit Island-imiit Skotland-imeersunillu pigineqartut pigineqarpoq. FARICE –mi sinneruttut 20% amerlanersaat Savalimmiormiunit pigineqarput. Taakku imaatigut kabeliutillit marluk Island-imiit Savalimmiuniillu nunarsuup sinneranut attaveqaatit isumagisaraat.

Eastlink Inc. pillugu

Eastlink ukiuni kingullerni pingasuni Canada-mi suliffeqarfiit pitsaanerpaat 50-it akornani inissisimavoq, Canadamilu ilaqutariit suliffeqarfiutaattut pitsaanerpaatut 2009-mi toqqarneqarsimasumit Bragg Group-imit pigineqarluni. Eastlink Canadap sineriaani sumiiffinnut sumiiffinnut kabelinik fiberinik takisuunik peqarpoq. Ukiullu kingulliit 30-it ingerlanerani nalunaarasuartaatigut attaveqarnermut atatillugu suliffissuaqarnermi misisilittagaqarluarluni. Aammattaaq attaveqatit sananeqaataanik ineriartortitsisimanermigut, attaveqaatit sukkasuut tatiginartullu, nunarsuarmi sumiiffinnut assigiinngitsunut ingerlasut atorsinnaalersissimavai. Eastlink Canadap illoqarfiisa amerlanersaani atorneqarpoq aamma St. John’s, Halifax, Montreal, Toronto, Ottawa ,Vancouver-ilu ilanngullugit.