- SANA-p uiga kukkusumik naliliiffigaa
Angutip 43-nik ukiullip nulia pakatsisimasorujussuuvoq, naliliinermilu kukkuneq ajortutut qaatigalugu, tamannali Dronning Ingridip Napparsimmavissuata ilumuunnginnerarpaa. AG takuuk.
- Inuunitsinni aatsaat taama ajortigisumik atugaqarpugut, uimalu Island-imi unitsinneqarnerata kingorna taama atugaqarsimalluta, Lillian Gammelgaard oqaluttuarpoq. Angut 43-ni ukiulik uigaa, Air Greenland-ip timmisartuanik Airbus-imik 23. februar pilersaarutaanngitsumik Island-imut miinnartariaqalersitsisoq.
- Illersorneqarsinnaanngitsumik suliamillu ilisimasaqanngitsutut qanoq iliuuseqarsimanertut Lillian Gammelgaard-ip taavaa, nammineq oqarnera malillugu navianartumik pisoqalermat.
- Nuummi tarnit pissusaannut immikkoortortaqarfimmi pitsaanerusumik naliliisoqarsimanngimmat tupassutigisorujussuuara. Tassunga ingerlaannaq unitsinneqarsimassagaluarpoq, imaluunniit minnerpaamik angalanermini ingiallorteqarsimassagaluarluni. Iisartakkanik nammineq aqussinnaanngisaminik tunineqarsimavoq, taamaattumillu iisisarsimanani, Lillian Gammelgaard oqaluttuarpoq.