Haitimi ajunaartut 300.000-t
FN-ip oqaatigaa Haitimi nunap sajunneratigut ajunaartut 250.000 aamma 300.000-t akornanniittut. Taamatut amerlatigisut aamma aqqunatitersimapput.
Annonse
Januaarip 12-ianni Haitimi nunap sajunnera inuit 250.000 aamma 300.000-t akornanni inuunerannik akeqarpoq, nunami FN-ip aallartitaasa pisortaat oqarpoq.
Manna tikillugu Haitip naalakkersuisuisa nalunaarutigisimavaat ajunaartut 220.000-t sinneqartut.
- Ajunaarnersuup, inuit 250.000 aamma 300.000-t akornanni inuunerannik akillip, kingorna ullut 100-t sinneqartut ingerlareerput, Edmond Mulet, FN-ip Haitimi aallartitaasa pisortaat, oqaaseqaammini oqarpoq.
Mulet aamma oqarpoq inuit 300.000-t aqqunartitersimasut, millionillu sinneqartut angerlarsimaffeerussimasut.