Marlunnik ukiulik toqunneqartoq
Marlunnik ukiullip arnaa meeqqallu ataatarsiaa marlunnik ukiulimmik toqutsisimasutut pasineqarput. Taakkua maanna politiinit tigummigallarneqarput.
Annonce
Nunaqarfimmi Ukkusissani innuttaasut tupassimasorujussuupput paasineqarmat meeraq marlunnik ukiulik toqunneqarsimasoq, taamatut allappoq KNR.
Niviarsiaraq marlunnik ukiulik persuttarneqarsimavoq aqqunartiterninilu marsip 29-ianni toqqutigalugit. Uummannami politiit toqutsisoqarsimaneranik pasitsapput, meeqqap toqunerata kingorna teknikkikkut paasiniaasoqareersorlu.
– Taamaattumik suliassami aatsaat apriilip 7-anni inunnik tigusarinnittoqarpoq, tassani niviarsiaqqap arnaa ataatassaalu tigusarineqarlutik. Sapaatit akunnerini sisamani tigummigallagassanngortinneqarput, politimesterip tullia Morten Nielsen KNR-imut paasissutissiivoq.
Illu toqutsiffik politiinit mattussaatinneqarpoq.