Tasiilami Piorsaavik
Nunatsinni inuusuttunut ingerlariaqqinnissaminnut pisariaqartitsisunut Piorsaaviit aappassaat aasaru Tasiilami ammaneqassaaq.
Tasiilami Piorsaavimmik ammaaseqarnissaa Kommuneqarfik Sermersuumiit Namminersorlutillu Oqartussanit akuersissutigineqarpoq.
- Iloqarfimmi sulisitsisut innuttaasullu suliniut iluarisimaarpaat, Edvard Mørch Kommuneqarfik Sermersuumi suliffissaqartitsinermut pisortaq oqaluttuarpoq. Suleqatini peqatigalugit Tasiilamiippoq sulinut illoqarfimmiunut saqqummiukkiartorlugu. Juunili inuusuttunut alloriaqqinnissaminnut kaammattorneqarnissamik pisariaqartitsisunut 20-inut inissaqartoq sannavik ammarneqassaaq.
- Ilaatigut amernik mersortarfimmik suleqateqarnissaq inissereerpoq. Sulili naammassinissatsinnut atortussanik amigaateqarpugut, Edvard Mørch oqaluttuarpoq.
Piorsaavik Tasiilamiittoq Nuummiittoq assigalugu IT-mik sulliveqassaaq, sanatusaarfeqarluni, igaffik allallu. Illoqarfiit pingaarnersaaniit allaassutigissavaa akissarsiat.
- Namminersorlutik Oqartussat ilinniarnermusiaqartitsiniarlutik akuersaarpaat, Nuummili SIK-mi akissarsiat minnerpaaffii naapertorlugit inuusuttut akissarsitinneqartarlutik, Edvard Mørch oqaluttuarpoq.
Suli Tasiilami Piorsaavimmut qinnuteqartoqarsinnaanngilaq, tamannalu aatsaat ulluinnarni aqutsisussamik atorfinitsitsisoqareerpat pissaaq.
- Taanna naammassippat illoqarfimmiut nalunaarfigineqarumaarput, Edvard Mørch oqarpoq.