Nuummi sukkavallaamik biilertarpugut
Ullaap tungaani Nuummi Nuussuarmilu inuit 18-it sukkavallaamik biilertut politiinit tigusarineqarput.
Annonce
- Nalinginnaasumik Nuummi sukkavallaamik biilertoqartarpoq, Nuummi politikommissær Niels Nyvang oqarpoq. Taama oqarnera tunngaveqarpoq ullaap tungaani laserimik uuttuutit atorlugit uuttortaammata, taamaalillunilu biilertut 18-it sukkavallaamik ingerlasut akiligassinneqarlutik.
Sukkanerpaamik biilertoq akunnermut 71 kilometerimik sukkatigaaq, akunnerut 40 kilometerimik biilerfigeqqusaasumi.
- Piffissami aggersumi suli politiit sukkatsummik misissuisarniarput, politikommissær Niels Nyvang oqaluttuarpoq.