Puigortunngortut – inuit puigukkat
Puigortunngortut nunatsinni 4-500 miss. soqutigineqanngillat. Utoqqaat illui inissiisarfittut atorneqarput, pisortaq oqarpoq. Sermitsiaq atuaruk
Nuummi utoqqaat illuani pisortaq Rose Marie Elsner puigortunngortunut ataqatigiissaarisumik Namminersorlutik Oqartussani pisariaqartitsisoqarpoq, puigortunngortunut suliniuteqarnermik ataqatigiissaarisinnaasumik, ilaqutariinnut sulisunullu pikkorissartitsinernik pilersaarusiorsinnaasumik aammalu pitsaaliuinermik ingerlatsisinnaasumik.
Rose Marie Elsnerip tikkuarpaa puigortunngortut katsorsarneqarnissaannut periarfissat amigaatigineqarluinnartut.
– Peqqinnissaqarfik puigortunngortust katsorsarneqarnissaannik neqerooruteqanngilaq. Iisartakkanik tunineqaannartarput utoqqaallu illuinut innersuunneqartarlutik, taavalu uagut sapinngisarput tamaat ikiorniassavagut, Rose Marie Elsner oqarpoq.
Sap.ak. tulliani Inatsisartut sammissavaat OLga P. Berthelseni (IA) siunnersuutaa puigortunngortunut iliuusissanik pilersaarusiortoqarnissaanut tunngasunmik.