Nuna Walk alloriarnernut kisitsisilerluni
Kalaallit Nunaat Kaajallallugu, ukioq manna atserneqarsimasoq "Nuna Walk" marlunngornermi juunip aallaqqaataani aallartissaaq. Maaji naallugu soqutiginnittut tamanna misilissinnaavaat paasiniarlugu pisuttuarnissarsuarmut peqataanissamut sapiutinnginnerluni.
Annonse
Nuummi nakorsiartarfiup diabestesgruppia alloriarnernut kisitsisilerluni pisuttuartitsiniarpoq siorna iluatsitsinerujussuaq, Kalaallit Nunaat Kaajallallugu, malitseqartillugu.
Siornamit allaanerusumik ukioq manna peqataasut namminneq ullormut alloriartarnermik kisinneri nalunaarsussavaat, quppernermi nittartakkami imnaluunniit sms-ikkut.
Nuummi Nakorsiartarfimmi diabetesgruppip arfininngorpat maajip aallaqqaataani quppernini nittartagaq nutaaq www.amisut.gl atulissavaa.
Tassani periarfissaqarpoq atuisartutut pilersitsinissaq, ukioq mannalu akeqanngilluinnartumik holdiliornissamut.
Nuna Walkimi peqataassagaanni alloriarnermut kisitsiseqartariaqarpoq.