'Hans Hedtoft'-ip sanallugu assilineqarnera nutaaq
Ilaasartaatip umiiarnikup Hans Hedtoftip sanallugu assilineqarnera Qaqortumi Katersugaasiviup pigilerpaa.
M/S Hans Hedtoft-ip umiiarneranit siorna ukiut 50-inngornerannut atatillugu Kommune Kujalleq aalajangerpoq umiarsuup sananeqarnerata assinganik pissarsiniarniarluni, taassuma assilillugu sananeqaqqaarnera ullumikkut periarfeerunneqarsimammat.
Tusatsiakkat malillugit umiarsuup assilillugu sananeqaqqaarnera qimataasunut katersuiniarnermut atatillugu tunineqarsimavoq, tamannali uppernarsineqarsinnaasimanngilaq, katersugaasiviup pisortaa paasissutissiivoq.
Umiarsuup sanallugu assilineqarnera maanna tikereersimavoq Qaqortullu Katersugaasiviani takuneqarsinnaalluni, katersugaasiviup pisorta Ole G. Jensen paasissutissiivoq.
Umiarsuup assilillugu sananeqanera Polenimi assiliilluni sanasarfimmi DOWA Shipping-imi Gdanskimiittumi sananeqarsimavoq. Taassuma Aalborgimiit Qaqortumut assartorneqarnera Royal Arctic Linemit aningaasalerneqarpoq.