Meeqqanut katersuiniarnermi akiliutit amigaataapput
Qaammat kingulleq nuna tamakkerlugu katersuiniarnersuarmut tunissutit pingajorarterutai suli akiliutigineqanngillat.
Meeqqanut suliniaqatigiiffiit Nanu, Bedre Børneliv MIBB, ICYC aamma Red Barnet katersuiniarnermut 600.000 kroninik isertitsiffiusumi tunuliaqutaapput.
Isertinneqartulli inernerat suli ilisimaneqanngilaq, akiliutiginiakkatut neriorsuutit pingajoqarterutaa suli akilerneqarsimanngimmata, Nanu Børnimiit Krissie Winberg oqarpoq.
Ingammik sianerfissamut sianerluni tunissutit akilerneqanngillat.
Krissie Winbergip maluginiaqquaa, aningaasat ingerlaannartumik inuit kontoiniit peerneqarnavianngimmata, aningaasalli kontomut uunga nammineq akilerlugit 6471-7848622.
Neriuutiginerarpaa katersuiniarnerup inernivia apriilip 10-ani saqqummiussinnaassallugu.