Hash itisiliiffigalugu
Tusagassiornermik Institutimi tusagassiortunngorniat allaaserisat arlallit atorlugit haship ajornartorsiutaanera sammivaat. Ilaatigut atuarsinnaavatit apersuinerit ikiaroornartuerniamik, atuisuusimasumik, politiinik tarnillu pissusaannik immikkut ilinniagalimmik.
Nunatsinni hashi annertuumik ajornartorsiutaavoq. Ukioq kingulleq hashi 151 kilo politiinit arsaarinnissutigineqarpoq, kujataani 118 kilomik arsaarinnissuteqarneq tassani qaffassaaqataangaatsiarluni
Hashi 118 kilo tuniniarneqartuuguni 60 millioner kronet missaannik isertitsissutaasimassagaluarpoq. Aqqusinermilu tuniniaasartoq ullormut 2.000 kronit angullugit isertitsisinnaasartoq tuniniaasartoq Tusagassiornermi Institutimut oqaluttuarpoq.
ALLAASERISAQ ATUARUK: Ikiaroornartuerniarneq inuussutigaa
Takussaasumik hashimik tuniniaasoqartarnera politiinit ilisimaneqarpoq ikiaroornartumillu eqqussuineq akiorniarlugu qimmit ikiaroornartumik nassaarsinnaasut atorneqartarput.
ALLAASERISAQ ATUARUK: Ikiaroornartumik akiuiniarneq ilungersunartoq
Naak politiit ikiaroornartumik eqquisuineq akiorniaraluaraat eqqussuisoqartuassooq ikiaroornartumik pisiumasoqartillugu. Ikiaroornartumillu atornerluisoq ullaarnganiit kukutassaminik ujarlilersarpoq.
ALLAASERISAQ ATUARUK: Ikiaroornartoq ullaakkorsiutitut
Hashimik atornerluisut ikinngitsut tarnimikkut nappaateqalernertik pissutigalugu napparsimmavimmut unittariaqalersarput. Ajornartorsiutilli anigornissaanut aamma periarfissaqarpoq.
ALLAASERISAQ ATUARUK: Tarnimikkut nappaatillippassuit ikiarornartumik atuisuupput