Ajornartorsiut nassuerutigiumaneqanngilaq
Ikiarooornartumik atuineq inuiaqatigiinni ajornartorsiutaavoq, tamannalu inuiaqatigiinni nipangiusimaneqarpallaartoq atuisuusimasoq isumaqarpoq.
– Ikiaroornartumik atuisuusut ilaatigut politikkerinik ilaqartut atuisuunermik nassuerutiginnikkumanngitsut ersersippaat ajornartorsiut nipangiusimaneqarpallaartoq, taama oqarpoq ukiut tallimat matuma siorna ikiaroornartumik atuiunnaarsimasoq Gaabannguaq Bidstrup.
ALLAASERISAQ ATUARUK: Ikiaroornartoq ullaakkorsiutitut
Ajornartorsiut qaangerneqassaguni ammasumik oqallisigisariaqartoq isumaqarpoq.
– Ukiup tallimat matuma siornatigut ikiaroornartumik atuinera unitsikkakku inuuninni anguniakkannut piffissaqarnerulerpunga, inuuneq sinnattuaqiffiusoq qimallugu, Gaabannguaq Bidstrup oqaluttuarpoq.
ALLAASERISAQ ATUARUK: Hash-salg som levevej
Inuiaqatigiinni ikiaroornartumik atuinermik ajornartorsiuteqarneq, 1990-sikkunni imigassamik ajornartorsiuteqarnermik oqallinnertulli eqqartorneqartariaqartoq. taamaliornikkut ajornartorsiummik annikillisaasinnaaneq aqqutissiuunneqarsinnaam- mat, Gaabannguaq Bidstrup naggasiivoq.
ALLAASERISAQ ATUARUK: Ikiaroornartumik akiuiniarneq ilungersunartoq
Piviusut:
Imersimatilluni biilerneq – hashitorsimatillunimi?
Hashimik pujortarnerup avatinik atuisinnaaneq sunnertarpaa annikillisillugu. Hashimik pujortarsimatilluni aalajaakkunnaarnarpoq, timip oqimaaqatigiissinniarnera ajornarsisarpoq qisuariataarsinnaanerlu annikillisarluni, soorlu aalakoorsimatilluni. Assersuutigalugu biilimik aqutsiniarneq annertuumik akornuserneqartarluni. Sivikinnersumik eqqaamasat akornuserneqarsinnaapput, pereersunut pisussanullu ungasissumut aamma eqqarsarniarneq ajornarsisinnaalluni. Eqqarsaatinik aaliangiussisimaneq ajornakusoorsisarpoq, taamaalilluni uteqattaarilersinnaalluni aammalu sinnattup piviusullu immikkoortinniarneri ajornakusoorsisarlutik.
Tusarfik: http://www.uturn.dk/content/dk/facts_om_rusmidler/hash