Pinerlunnikkut aningaasarsiat malunnarunnaarsarnerat
Siunissami aningaasat nunatsinnut nunatsinniillu nuunneqartut pillugit oqartussaasut inunnut tunngasunik paasissutissanik amerlanerusunik pisinnaalissapput.
Kalaallit Nunaanni aningaasanik pinerlunnikkut pissarsianik malunnarunnaarsaaneq aningaasanillu sunilluunniit nuussineq ajornarnerulissaaq, aningaasaqarnermummi nakkutilliisut paasissutissanik sukumiisunik inunnut tunngasunik pisinnaalissapput.
Naalakkersuisut qallunaat inuussutissarsiornermut aningaasaqarnermullu ministeriata nunatsinniit nunatsinnullu aningaasanik nuussisoqartilllugu paasissutissanik arlalinnik inunnut tunngasunik pissarsisarnissamik inatsisissatut siunnersuutaa taperserpaat. Inatsisissatut siunnersuut Folketingimi apriilip 13-ani pingajussaaneerlugu oqaluuserineqassaaq.
Inatsisissap siunertaraa Kalaallit Nunaat Danmarkituulli aningaasat pinerlunnikkut pissasiat malunnarunnaarsarnerannut tunngasunik maleruagassaqarnissaa. Aningaasanik pinerlunnikkut pissarsianik malunnarunnaarsaasarnerup qunutitsiniaanermullu akiorniarnermut ilaavoq. Tassunga atatilllugu sakkussaq pingaarutilik tassaavoq aningaasanik nuussinermi suut aqqutaanersut tamaasa paasineqarsinnaalernissaat. Taamaalilluni siunertaavoq paasiniaanermi aningaasanik nuussisumut paasissutissat atorneqarsinnaanerisa qulakkeernissaa.