Nalliuttorsiornermut atatillugu bilitsit assiginngitsut
Air Greenlandip ukiunik 50-inngortorsiornerannut atatillugu ilaasut periarfissaqalerput bilitsinik akikinnernik assigiinngitsunik pisinissaminnut.
- Akigititatsinnut nutaanut periarfissat tamaasa atorluarpavut, ukiorlu kaajallallugu arlalissuarnik neqerooruteqarsinnaalluta, Air Greenlandimi niuernermut psiortaq Udo Glashoff oqarpoq.
- Akit arlallit neqerootugisinnaavagut, killeqartut killeqanngitsullu. Aamma akit assigiinnginnerulissapput.
Ukioq manna siusinnerusukkut Air Greenland tuniniaanermut tunngatillugu allanngortiterivoq, ilaatigut akit assigiinngitsut pilersillugit. Imaalerporlu angalanissamut akip qanoq ittuunissaanut angalasussat amerlassusaat apeqqutaalerluni. Naatsumik oqaatigalugu ulluni angalaffiginikinnerusuni bilitsit akikinnerullutik, angalasoqarluartillluguli akisunerullutik.
- Aamma imaalerpoq, sioqqutsilluni inniminniigaani aki akikinnerusoq atuuttarluni, Air Greenland Tusagassiuutitigut nalunaarummi allappoq.