Meeqqeriviit nutaat marluk atissarsiorneqarput
Qapiarfiusaami Qinngutsinnilu meeqqerivissat marluk atissaannik Kommuneqarfik Sermersooq unammisitsivcq.
-Qapiarfiusaami sanaartugaq ingerlanneqaleruttorpoq, naatsorsuutigineqarpordlu meeraaqqerivik sisamanik inilik 48-nut inissalik ukioq manna novembarip aallaqqaataani atulissasoq. Qinngutsinni assigiinngitsunik ukiulinnik paaqqinnittarfissaq meeqqanut katillugit 120-nut inissaqassaaq - meeraaqqerivimmi inini tallimani 60-inut meeqqerivimmilu inini pingasunut aamma 60-inut. Taassuma sananera aatsaat ukioq manna septembarip aallaqqaataani aallartinneqassaaq, naatsorsuutigineqarporlu 2011-mi novembarimi iserterfigineqassasoq.
Tamatumunnga atatillugu Nuummi innuttaasut paaqqinnittarfiit atissaannik nassaarniaqquneqarput.
- Paaqqinnittarfiit atissaannik siunnersuutit allakkatigut e-mailikkulluunniit ukioq manna kingusinnerpaamik apriilip 30-ianni Kommuneqarfik Sermersuumi ineriartortitsinermut immikkoortoqarfimmut tunniunneqareersimajssapput, kommuni tusagassiorfinnut allakkamini allappoq.
Ajugaasut 2.000 koruuninik akissarsiassaqarput.