15-nik ukiulik pinngitsaaleeriartoq
Qaqortumi nukappiaraq 15-nik ukiulik arnamik 20-t missaanik ukioqartumik pinngitsaaliilluni arnereriaqaluartutut unnerluutigineqarpoq.
Annonse
Sapaatip akunnerata naanerani kingullermi arnaq illoqarfissioreerluni angerlartilluni oqaluffiup saani ujaqqanik tummeqqakkut ingerlatilluni nukappiaqqamik 15-inik ukiulimmik saassunneqarpoq. Taama allappoq knr.gl
Takunnittup arnaq nilliasoq tusaavaa tuaviinnarlu ikioriartorlugu. Qaqortumi politiit nalunaarutigaat tamanna peqqutigalugu nukappiaqqap pinngitsaaliilluni arneriniaraluarnini iluatsinngikkaa.
Nukappiaraq 15-inik ukiulik apriilip 9-ata tungaanut tigummigallarneqarpoq.