AG-mi ilisaritinneqarpoq

Ukiup ataatsip matuma siornatigut Demokraatit amerlaqisunit politikkimi sunniutaaruttussatut ilimagineqasimapput - naluneqanngitsutulli qinersisartut taama isumaqanngillat.

Jens B. Frederiksen, angutaa borgmesteriusimasoq, imminut neriorsorsimagaluarpoq politikkilerinngisaannassalluni. Ass.: Hans Jukku Noahsen.

Ukiorpassuarni politiitut inuiaqatigiinni atugarliornerit ilisimavai. Isumaginninnerullu ajussusia kinguaassiuutitigullu atornerluisarneq pissutigerpiarlugit Demokraatit siulittaasuat Jens B. Frederiksen politikkimik allannguinissamillu soqutiginnilerpoq.

Partiip juunimi naalakkersuisunngoqataanissaa ilimagineqarsimanngilaq. Tamanna sioqqullugu partiimi nukissaajarnartumik siulittaasunngorniuttoqarsimavoq qinersisartut tatiginninnerannik nungusaataasumik. Amerlaqisut partii inatsisartunut qinersinissami ilimagivallaarsimanngilaat. Demokraatilli aniguipput, tamannalu peqatalugu borgerligioqataa Atassut sivisuumik Siumumik suleqateqarnerminik pillarneqarpoq.

Qinersinerup kingorna IA-p peqatigisartutoqqani Siumut tunuppaa. Nutaanik suleqateqarneq misilinneqartussaasimavoq. Tamanna Demokraatinut periarfissiivoq. Partiimit suujunnaangajattumiit Demokraatit pissaanermik tigumminneqataalerpuit. Partiip siulittaasua Jens B. Frederiksen, politikkilerinngisaannassalluni imminut neriorsorsimasoq, taama pissaaneqarnerutigisinnaanngilaq.

Demokraatit siulittaasuata ilisaritinnera sapaatip akunnerani AGaq-mi saqqummersumi atuaruk.

Powered by Labrador CMS