Nersornaat nutaaq
Naalakkersuisut nersornaammik aluminiumik pilersitsiniarput.
Sisamanngornermi illernartumi, apriilip aallaqqaataani naalakkersuisut immikkut ittumik ataatsimiinnerminni tamanna aalajangiunniarpaat.
Nersornaat nutaaq nersornaatinut kuultinut sølvinullu maanna atorneqartunut ilapittuutaassaaq.
Aluminiu toqqarneqarmat tamatumunnga pissutaavoq politikerit Maniitsup qeqertaani aluminiumik aatsitsivissaq kingunerisaanik inuussutissarsiutinik siuarsaaneq pingaartimmassuk. Pilersaarutinik misissuineq ingerlanneqarpoq amerikarmiut aluminiumik tunisassiortuat Alcoa suleqatigalugu.
Naatsorsuutigineqarpoq nersornaammik aluminiumik nutaamik tunineqartussaq siulleq tassaassasoq suliffeqarfissuup Alcoap pisortaanera Klaus Kleinfeld, Sermitsiallu paasisai malillugit nersornaat aluminiumik aatsitsivissamit tunisassiat siullersaannik sananeqassaaq.
Nersornaasiornermi Kalaallit Nunaat siullermeersumik pinngortitap pisuussutaanik sananngilaq.
Siusinnerusukkut raajat qalipaat misiliutigineqarsimapput, tamakkuali aserujasarsimapput. Aamma Nunatta uuliaanik misiliisoqarsimagaluarpoq - plastikkinngorlugu - tamassuminngali sanajuminaatsitsineq pissutigalugu taamaatiinnartariaqarsimalluni.
Uranip peqqissutsimut ulorianartoqarnera pissutigalugu atorniarneqanngilaq, Sermitsaq.AG-p paasisai maillugit isumaliutigineqarsimgaluartoq partiini illua´ungiliuttuni qapukkumatuunut piukkunnassagaluartoq.