Siumup allattaanertaarpoq
Namm. Oqartussat isumaqatiginninniartorisimasaat Palle Frederiksen Siumumi allattaaninngussaaq.
Uummannami kommunaldirektøriusimasoq Pollas Lyberth qaammatini sisamaannarni atuutereerluni maanna nuliami suliffia pissutigalugu Sisimiunut nuuttussaanngormat Palle Frederiksenimit taarserneqartussanngortoq, Siumup siulittaasua Aleqa Hamond allappoq.
Palle Frederiksen, 45-nik ukiulik cand.scient.adm-sut Aalborg Universitatiani allaffissornikkut aqutsinermut immikkut ilinniagaqarsimavoq 1996-mi naammassisaminik.
Palle siornatigut Namminersornerullutik Oqartussani ilinniartitaanermut pisortaqarfimmi pisortaasimavoq, Namminersorneq pillugu pisortaqarfimmi pisortaasimavoq aammalu Namminersorlutik Oqartussani isumaqatigiinniartartuusimalluni.
Palle apriilip 30-anni allattaanertut sulilissaaq.
Siumup qullersaqarfiani aamma sulisuupput Mikael Petersen, Jenseeraq Poulsen aammalu Rigmor Thaarup Høegh.