Aatsaat taama fallitsertut amerlatigaat
Fallitsertut aatsaat taama amerlatigisut kisitsisit kingulliit takutippaat. Taamaallaat nunatsinni pinnani.
Danmarmik inuutissarsiorneq aatsaat taama ajornartorsiorfiutigaaq.
Suliffeqarfiit 656-it marsimi fallitserput, siornaniit piffissap taamaalinerani pingajorarterummik amerlanerullutik, taamanikkut suliffeqarfiit 486-it fallitserlutik, taama nalunaarpoq nalunnarusiami nutaami aningaasaqarnikkut misissueqqissaartarfik Experian.
656-it fallitserneranni ukiuni qulini Ezxperianip Danmarkimi fallitsertunik misissuisarneranni aatsaat taama amerlatigaat.
Taama allappoq berlingske.dk
Danmarkimi nunap assinga misissoraanni Bornholm, Savalimmiut Jyllanillu kujataa kangialu eqqugaanerpaapput. Bornholmimi akiliisinnaajunnarlutik fallitsertut 300 procentimik amerleriarsimapput, Savalimmiunilu 133,3 procentimik, Jyllandi kujataani kangianilu 55,9 procentimik 48,5 procentimillu amerleriarsimallutik, taakkulu marsimi 2009-mi pisuniit amerlanerupput.
Nunami tamarmi nunarput kisimi pinnagu siornamut naleqqiullugit fallitsertut amerleriarsimapput.