Nuna tamakkerlugu katersuiniarnermi aliikkusersuinerpassuit

Nuna tamakkerlugu suliniaqatigiiffiup Nanubørn-ip nuna tamakkerlugu meeqqat ornittagassaannik pilersitsiniarluni nuna tamakkerlugu katersuiniarnera tallimanngormat unnukkut KNR-imi toqqaannartumik aallakaatinneqarpoq atisanik takutitsinertalimmik, aliikkusersuinertalimmik nipilersornerpassualimmillu.

Nuna tamakkerlugu katersuiniarnermi aqutsisut Julie Berthelsen aamma Jim Lyngfeld. Ass.: Leiff Josefsen

Nuna tamakkerlugu katersuiniarnermi Air Greenlandip hangarianit toqqaannartumik aallakaatinneqartoq atisanik takutitsinertalimmik nipilersornertalimmillu Katuamilu peqataasunut 200-nut nerersuarnermi aliikkusersuinertalimmi nipilersornertalimmilu nalunaaqutaq 22.00 200.000 koruunit katersorneqarsimapput.

Call Centeret-imi inuit ilisimaneqartut piumassutsiminnik peqataasut telefonertunik tigooraapput.

Air Greenlandip hangar-iani kalaallit takutitsisoralugit atisanik takutitsinermi kalaallit ilusilersuisartut Charlotte Sparre-p, Isaksen Designip, Lennert Designip aamma Ticket to Heaven-ip meeqqanut atisaliaat takutinneqarput.

Salon Puk-imi nujalerisut atisanik takutitsisut nujaat suliarisimavaat stylist Dennis Knudsen takutitsisunik taniisoq peqatigalugu.

Nerersuarnermi nipilersornermik aliikkusersuisuupput Allen Beat Club, Basim, Brian Rice, Linda, Meeqqat erinarsoqatigiit Nina Kreutzmann Jørgensen siulersuisoralugu, Nina aamma Malik, Søs Fenger, Ulf Fleischer, Nanu-mi siulittaasoq Krissie Winberg, aamma Anders Mattesen, kiisalu aamma nerersuaqataasut akornanni uaaeertoqarluni.

Makkua tunisipput:

Air Greenlandimi sulisut

Narsarsuarmi sulisut

Butik Julie

Egmontgården

Grønlandsbanki sulisuilu

Erinarsortartoq Kimmernaq aamma Atlantic Music

Royal Arctic Linemi sulisut

Partiit Siumut aamma Atassut

Paninnguaq Kjærulf qalipakkaminik akitsorterussivoq taannalu Ane Sofie Berthelsenimit 17.500 koruunilerlugu pisiarineqarpoq.

Toqqaannartumik aallakaatitsinermi aqutsisuupputd Julie Berthelsen Jim Lyngfeldilu aammalu KNR-imi Pulaarfik-meersut Sivert Olsen Arnaq Nielsenilu.

Powered by Labrador CMS