Qaasuitsup Kommuniani qullersaq nutaaq
Ilulissani kommunaldirektøriusimasoq Henrik Rafn Qaasuitsup Kommuniani allaffissornermi qullersatut atorfinitsinneqarpoq.
Qaasuitsup Kommuniani kommunalbestyrelsip immikkut ittumik ataatsimiinnermini aalajangerpaa maannamut pisortaanerugallartoq Henrik Rafn, 47, pisortaanertut atorfinitsinneqassasoq.
2002-miit kommunit kattussuunnissaata tungaanut Henrik Rafn Ilulissat kommunerisimasaani kommunaldirektøriuvoq, maannamullu Qaasuitsup Kommuniani aningaasaqarnermut teknikkimullu pisortaalluni.
– Taamaattumik Ilulissat kommunerisimasaanni maannalu Qaasuitsup Kommuniani ukiorpaalunngortuni sulinermigut Henrik Rafnip kommunimik ingerlatsinermut, politikerinut sulisunullu ilisimaarinninnera annertuvoq, borgmester Jess Svane, Siumut, allappoq.
Henrik Rafnip atorfinitsinneratigut kommunemit atorfinitsinneqarpoq pisortaq ullormit siullermiit suliassanik amerlasuunik oqittuunngitsunillu aallussisinnaasoq.