Danskit SU-annik piumanngillat

Kalaallit Danmarkimi ilinniagaqartut kattuffiata Avalaa, SU-mi atugassarititaasut allanngortinneqarnissaat pillugit oqallinnermi paasinerlunneqarsimanertik iluarsiivigerusuppaa.

Tusagassiuutitigut oqaatigineqarnikuuvoq Avalak Danmarkimi SU-mik pisartagaqalernissamik kissaateqartoq. Avalaalli siulersuisuisa taamaattoqannginnerarpaat.

– Kalaallit ilinniagaqartut nunatsinniit tapiiffigineqartuartarnissaa Avalaap kissaatigaa, taamaattorli SU-mi atugassarititaasut atorlugit, soorlu angalanermi pisortaniit tapiiffigineqarnissamut periarfissaqarluni, Thorbjørn Colding-Jørgensen ilinniagaqarnersiutit eqaannerusumik aaqqissuussivigineqarnissaannik aamma kissaateqartoq oqarpoq.