Raajalerissutip taartaa

Uani sapaatip akunnerani Ekstra Bladetip nassaarsiaa tassaavoq amerikamiut atortorissaarusiaat, raajat tunianiittumik erlavimmik qernertumik peersisinnaasoq.

Atortorissaarut tanngassimaarluni suliaavoq. Tunisassiortup nittartagaanit assi.

USA-mi nassaarsiaavoq - 35 dollarsinik akeqarluni assigiinngisitaartumillu nalilerneqarluni.

Raajanut qalipaajaat tassaavoq sukujuk plastikimik sanaaq, raajap qaani erlavimmik qernertumik peersissut.

Ekstra Bladet allappoq atortorissaarut qanoq ilillugu raajap qaanut ikkunneqassanersoq, tigummuvia kaavitinneqarluni, taava atortorissaarutip ataatigut raaja nuissaaq - qernertumik erlaveqarani qalipaajariaannaallunilu...

Atortorissaarut atserneqarpoq The Shrimp Butler (raajanut kiffaq) naliliisartunillu 'pitsaasutut' nalilerneqarluni.

Internetisimi assigiinngitsunik isumaqarfigineqarpoq. Tunisassiortumit ussassaarummi neriorsuutigineqarpoq qiterlunnissaq assaallu kusanaatsut oqaluttuaannanngortut...

Ilaa aa, sulilu apriilip aallaqqaataa tikinngitsoq.

Powered by Labrador CMS