Umiatsiaaraq eqqaamallugu

Soorluuna upernariartulersoq, umiatsilalivimmilu puttasuliat aqqarnissaat piareersarneqalissalluni. Umiatsiaaqqat kivisimasut piginnittaasa uani qaammammi umiatsiatik kivisimasut qaqittussaassavaat.

Assi: Leiff Josefsen

Sanaartornermut avatangiisinullu allattoqarfimmiit umiatsiaaqqat kivisimasut piginnittaat kaammattorneqarput marsip 31-at tikitsinnagu peereersimassagaat. Taamaanngippat sanaartornermut avatangiisinullu allattoqarfimmiit umiatsiat peernissaat isumagineqassapput, akisussaaffigineqanngitsumilli.

Taama allappoq sermersooq.gl.

Allattoqarfimmi umiatsiat peerneqassapput piginnittut akiligaannik akisussaafissaanillu. Umiatsiaaqqat toqqorsiviugallartumut ingerlanneqassapput, tassani qaammatini pingasuni toqqortaassallutik. Taassuma kingorna umiatsiaaqqaat politiinut tunniunneqassapput.

Puttasuliat apriilip aallartinnerani sila kiannerulerpat aqqarneqassapput.

Powered by Labrador CMS