Tasiilami Danmarkimiit atuartut

Ukiut tamaasa Tasiilami Gentoftimilu meeqqat taartigiittarput. Maannakkorpiaq qallunaajaqqat Tunumi ulluinnarni inuuneq misilippaat.

Pisuussaartitaq: Nuummi friskolemi atuartut. Assi: Leiff Josefsen.

Maannakorpiaq Tasiilami pisarnermiit meeqqat illarpaluttut amerlanerupput. Gentoftimiimmi atuartut 24-it illoqarfimmut tikeraarput, Gentoftip Tasiilallu illoqarfiisa suleqatigiilluarneratigut, sermersooq.gl allappoq.

Ukiut tamaasa tunumiuaqqat 6.klassimiittut ukiakkut Gentoftimiittarput, danskisut ilinniarlutik ilaqutariinnilu qallunaani najugaqarlutik. Atuartut Tasiilamut utersimaleraangata sapaatip akunnerani ataatsimi sammisaqartinneqartarput, Danmarkimi misigisatik suliaralugit.

Upernaakkut qallunaajaqqat Tasiilamut ulluni qulini tikeraartarput. Atuarfimmilu klassit akunnattut peqatigalugit sapaatip akunnerani ataatsimi sammisaqartinneqartarput kalaallillu kulturiat qanimut misigalugu.

Gentoftimiit atuartut maannakkorpiaq tikeraartut piterarnera misigereerpaat, arsarnerit takullugit, nanoq aallaaneqaqqammersoq takullugu qimusserarlutillu.

Ukiamut Tasiilap Gentoftillu paarlaateqatigiinnermi suleqatigiinnerat ukiunik 20-nngortorsiussaaq.

Powered by Labrador CMS