Naapitsineq tupannartoq

Kalaallinut inuusuttorpassuarnut 4.000 kilometerini angalalluni Danmarkimi ilinniarniariarneq tupannartuusarpoq. Maannakkut taakkunannga arfineq marluk atuakkiorsimapput taasaminnik 'Avalannerit - De der drog ud'.

Danmarkimi kalaallit ilinniartut arfineq marluk atuakkiorsimapput taasaminnik 'Avalannerit - De der drog ud'. Aajuku kalaallit ilinniartut Avalameersut. Assi: Anne Bang

Kalaallit nukissaqarluartut arfineq marluk Danmarkimut ilinniarniarlutik aallasimasut atuakkamik “Avalannerit - De, der drog ud”, 80 sinnelrugit qupperneqartumik atuarkkirsimapput, taannaku taakkutut angalasussanut atuagassatsialaavoq, nordjyskeugeaviser.dk allappoq.

- Aalborgimut nuukkama tupassimaqaanga. Suut tamarmik angisuujuppput, qallunaat uagutsinniit kalaaliusuniit allaanerujussuarmik eqqarsartaaseqarput.

- Takorloorsimavara Kalaallit Nunarput ilisimasaqarfigimassuk paasiuminarnerussasut, taamaanngilarli 29-nik ukiulik Agathe Adolfsen oqaluttuarpoq, Svenstrupimi najugaqalerami.

- Paasilerpara qanoq assigiinngitsigisugut. Pisortat angallataat atortariaqarakkit aallartafii misissortuartarpakka. Ilaannikkut ornitassat ungasingaartarmata misigisimasarpunga kiffaanngissusiiagaasimallunga. Nuummiit allaaneroqaaq, tassani sianiinnarlunga aatissinnaasarlunga.

Maannakkut serviceøkonomitut ilinniarpoq, ilisimatusarfimmilu ukioq siulleq institut for psykologimi ilinniarluni.

Inuusuttut najugaqarnertik, attaveqarnertik, ataatsimoortarnertik, siunissamut pilersaarutitik ileqquliutiinnakkallu pillugit oqaluttuarput.

Naak aporfissaqartaraluarlutik angerlarsertarlutillu kalaaliulluni Danmarkimi ilinniarneq iluaqutissartaqarpoq, Rebekka Bisgaard inuussutissarsiornermi inatsisinik ilinniartoq oqarpoq.

Kalaallit Nunaanniit ilinniarnermusiaqarpoq, ukiut tamaasa nammineq akilernagu angerlarsinnaalluni akileraarnerullu tungaatigut frikorteqarluni. Ilinniarnermusiaqarnermi saniatigut qanorsuaq isertitaqarsinnaavoq. Kalaallit allat 70-it peqatigalugit namminerisamik ilinniarnermut siunnersorteqarpoq Kalaallit Illuutaani, nunap immikkoortuani Region Nordimi ilinniartut peqatigalugit.

Qallunaatut ingerlatitseqqiinermi pikkorissarnermut Region Nordimi kalaallinut VUC-miittunut neqeroorutaasumut atatillugu atuagaq pinngorpoq, Namminersornerullutillu Oqartussanit aningaasalerneqarluni.

- Uagutsinnut amerlanertut qallunaat oqaasii takornartat oqaaseraat, allallu allaniit sapernerusarpaat, Berit Johnsen, atuakkami aaqqissuisoq oqarpoq.

Powered by Labrador CMS