Nuummi nanoqarsimavoq
Piniartoq Aslak Jensen ippassaq Nuummi nannumik takunippoq malersorlugulu.
Annonse
Nuup ilaani Qinngutsinni nanoqarneranik tusatsiakkat peqqutigalugit inuppassuit untritilikkaat illoqarfiup immikkortuanut aggiapput nannumik takusaqarniarlutik. Nalornisoqalerporli oqartoqarmat auleertoqartoq, Facebookimi allattoqarsimalluni, knr.gl allappoq.
radioaviisimiilli inuk takunnissimasoq inuttarsineqarpoq.
Piniartup Aslak Jensenip qutsissumi nannup tumai takuai, nanorlu takullugu.
- Nanoq utoqqaarpasinngilaq. Piaraavoq angisooq immaqa marluk missaani ukiulik, Aslak Jensen oqarpoq.
Quasarpallaarnera peqqutigalugu malersuinini unitsittariaqarsimavaa, meeqqanilu aasussaallugit. Ullumikkulli piniartoqatinilu nanoq ujaareqqinniarpaat. .