Naalakkersuisut nuna tamakkerlugu katersuinarnermut peqataapput
Kalaallit Røde Korsiata nuna tamakkerlugu Haitimut katersuinarneranut Kalaallit Nunaata pisortatigoortumik tunniunniagaannut aningaasaqarnermut ataatsimiititaliamiit 500.000 kronit akuersissutigineqarput.
Naalakkersuisut Kalaallit Røde Korsiata nuna tamakkerlugu Haitimut katersuinarneranut 500.000 kroniinik tunissuteqarput. Kalaallit Røde Korsiata nuna tamakkerlugu Haitimut katersuinarneranut Kalaallit Nunaata pisortatigoortumik tunniunniagaannut aningaasaqarnermut ataatsimiititaliamiit 500.000 kronit akuersissutigineqarput
Nuna tamakkerlugu katersuinarnerup inernera naatsorsorneqarpoq, Kalaallillu Røde Korsiata nalunaarurigaa katersuinernerup inernerigaa 1.586.821 kronit.
Aningaasat katersat Dansk Røde Korsip kontoanut nuunneqassapput Haitimilu nunap sajunneratigut ajunaarnersuup kingorna iluarsiiniarnermut atorneqassallutik.
- Kalaallit Røde Korsiata kalaallit tamaasa qutsavigingaarpai, taama anenrtutigisumik angusaqarnermut peqataasimammata. Ingammik namminerisamik suliniutit, inuinnaat suleqatigiillu kaammattorneqaqqaaratik nammineq katersuinarisimasut assut utppalliutigaavut. Tusagassiuutinut ingammik nangaassuteqaratik nuna tmakkerlugu katersuinarnermut atatillugu akeqanngitsumik aallakaatitsisimasut, takoqqusaarutinillu ikkussisarsimasut, Kalaalit Røde Korsiat tusagassiuutitigut nalunaarummi allassimavoq.
Katersuinarnerup inerneri ima agguataarsimapput:
Suliffeqarfinnit pisortaqarfinniillu: kr. 267.621
Namminersortut, tusarnaartitsinerit assigisaallu : kr. 341.685
Immikkoortortat, nakkaatitisivlerlunilu katersuiniarnerit: kr. 214.543
Oqarsuaatikkut SMS-ikkullu: kr. 121.050
Brugsenimi niuerniarnikkut isertitat: kr. 34.920
Inuinnaat tunissutaat: kr. 87.727
Naalakkersuisut tunissutaat: kr. 500.000