Tasiilaq internetsikkut aviisitaarpoq
Sukagsaut internetsikkut aviisip ateraa, Tassilamilu pisunik imaqartumik paasissutissiiffiussalluni illoqarfimmilu paasissutissanik nivinngaavinnut tapertaassalluni.
Gerda Vilholm internetsikkut aviisimi pilersitsisuuvoq, sermersooq.gl allappoq.
- Internetsikkut aviisip siunertaraa, siunissami qaninnermi Tasiilami susoqassaneranik susoqarsimaneranillu paasiniaavik, aammal filminik naliliinermik allanillu imaqassalluni, internetsikkut aviisimik aallarniisoq Gerda Vilholm oqaluttuarpoq.
Illoqarfiup aviisitoqaa Sukagsaut internetsikku aviisip atiia ukiuni kingullenri qulini saqqummersimanngilaq, Gerda Vilholmilu isumaqarpoq, aviisimit naqitamiit suliaqarnermiit internetsikkut aviisiliorneq pisariinnerullunilu akikinnerusoq.
Gerdap isumassarsiaasa ilagaat, siunissami aamma internetsikkut aviisimi Tasiilap oqaluttuarisaaneran atuarneqarsinnaassasoq.
Gerda Vilholmip nalunaartuigaa, kikkut tamarmik Tasiilamiittut nalunaarutinik allanillu nassitsinissaminnut tikiluaqqusaasut, immaqalu assitalerlugit, mailimut sukagsaut@tas3913.com.
Sukagsaut allataasitoqaq atorlugu allataavoq isumaqarlunilu nukkassaat.