Nuummi biilimik ajutoorneq
Angut biilertoq sisamanngormat ullaap tungaa mittarfiup tungaanut biilertilluni ajutorpoq. Aquttoq Sanamut innartinneqarpoq inuunerali navianartorsiorani.
Annonse
Naak sisamanngormat ullaakku tkommunimit aqquserngit siorarterneqarsimagaluartut,Nuummi biili ajutoorpoq ulaap tungaani qulingiluat missaani maskiinarsuarmut aporami.
Pisoq politiinit misissorneqarpoq, susoqarpiarsimanersorlu suli ilisimaneqanngilaq.
- Naluarput biilertoq sukkalissarpallaarsimanersoq. Biilertoq Nuussuarmiit mittarfiup tungaanut aqqusinikkut sangulerluni biili aqussinnaajunnaarpaa, maskinarsuarmullu aqquserngup illuatungaani ingerlasumut aporluni, Nuummi politiiniit Kunuk Frederiksen oqarpoq.
Inuk ataaseq biiliniippoq, Sanamullu innartinneqarluni.