Ilisarisa ukiunik 25-ngortorsiorpoq
Kalaallit Fredericiami Danmarkimiittumi peqatigiiffiat martsip qulingiluaanni ukiunik 25-ngortorsiorpoq
Ilisarisa, kalaallit Fredericiami peqatigiiffiat, arfininngornermi martsip 13-ianni ukiunik 25-ngortorsiorluni qaasaavoq.
Ilisarisia 9. marts 1985-imi arfinilinnik ilaasortaqarluni aallartissimasoq ullumikkut 61-nik ilaasortaqarpoq.
Kalaallilli Danmarkimi peqatigiiffippassuiniit Danmarkimilu kattuffimmiit INUIT-niit qaaqqusaqarluni nalliuttorsiorneq arfininngornermi martsip 13-ianni malunnartinneqarpoq.
Ilisarisap siulittaasua Benigne Lange ukiut ingerlanerini peqatigiiffimmi pisarsimasunik nuannersunik eqqartuillunilu ilaasortaasimasunik peerutereersimasunik eqqaaniaavoq.
Immikkullu nuannaarutigineqarpoq Debora Petersen Paamiuni inunngorsimasoq, ukiullu 25-it tamakkerlugit Ilisarisami ilaasortaasimasoq.