Atuisartut ulluat

Nunani tamani atuisartut ullat Kalaallit Nunaata ullumikkut 27-issaannik malunnartippaa, ukiormannalu 'Aningaasaatigut' aamma ' Pisinnaatitaaffigut' tunngavigalugit ingerlanneqarpoq.

Ukiormanna 'Aningaasaatigut' aamma 'Pisinnaatitaaffigut' qulequtarineqarput, aningaasaqarnikku siunnersorneqarnissamik pisinnaatitaaffeqarnerput tunngavigineqarluni, knr.gl taamatut allappoq.

Kalaallit Nunaat 1954øimili atuisartunut siunnersuisoqatigeeqalersimavoq, ullorlu taanna atorlugu Kalaallit Nunaanni pisisartut pisariaqartitaat nalinginnaanerpaat Atuisumut saaffiginnissutigineqartarsimasut qaammarsaatigineqarput.

Nunani tamani atuisartut ulluat siulleq 15. marts 1983-imi malunnartinneqarpoq, ullorlu taanna qinerneqarsimavoq, præsident John F. Kennedyp atuisarut pisinnaatitaaffii nalinginnaanerpaat pillugu 15. marts 1962-imi Amerikami kongresimut oqalugiarsimanera malunnartinniarlugu.

Nunani tamani atuisartut kattuffissuat ullumikkut nunani assigiinngitsuni 115-ini atuisartut peqatigiiffiinit ilaasortaaffigineqarpoq.

Powered by Labrador CMS