Tasiilami naluttarfik
- Katersuiniarneq aallartipparput neriulluta ukiut marlussuit ingerlaneranni naluttarfittaarsinnaassalluta, Tasiilamiit Gerda Vilholm oqarpoq.
- Meeqqat inuusuttullu sunngiffimminni sammisassaaleqipput, taamaattumik Tasiilami naluttarfeqalernissaq nuannissagaluaqaaq, Gerda Vilholm oqarpoq.
Tasiilami namminersorluni inuussutissarsiuteqartuuvoq atuagaarniarfik 'Neriusaaq' ingerlallugu.
- Atuagaarniarfiutiga aasaq ukkunik 20-liivoq. Aneerasaartarfittaani kaffillerpunga, inuillu marlussuit peqatigalugit sukujunnik eqqartuilluta. Taavalu Tasiilami naluttarfittaarnissaanut katersuiniarnissamik isumassarsivugut.
Gerda Vilholm nakkaatitsivissamik pissarsivoq atugaarniarfimminilu inissillugu, piffissallu sivikitsup ingerlanerani 3.000 kronit katersorneqarput.
- Kontomik pissarsivugut, aningaasallu aningaaserivimmut toqqorneqarput.
- Ulut ilaanni kommunimi teknikeqarfimmi sulisoq takkupoq, oqaluttuuppaangalæu ukiut arfineq pingasut matuma siorna suliniut aallartinneqarsimasoq. Ingeniørit suliffeqarfiutaasa naluttarfik 16 million kronilik titartarsimavaat. Kommunimi sulisup aamma oqaluttuuppaanga, Red barnet atteqarfigalugu, aningaasaliinissaminnullu soqutigisaqartut. Immaqa ukiut qulit qaangiuppata aatsaat naluttarfittaassaagut. Kisianni ajunngilaq, suliarmi aallartererpoq, Gerda Vilholm oqarpoq.