Ilaqutariit illuannut kajumissaasiineq
tasiilami ilaqutariit illuatt B2 isumaginninnermut naalakkersuisumut 5.000 kroninik kajumissaaserneqarpoq, Tasiilami isumaginnikkut sulinermigut ataqatigiittumik sulisoqarnissaanik qulakkeerisimasutut.
Tasiilami ilaqutariit illuat B2 Tasiilami isumaginninnikkut sulinermi ataqatigiittumik sulisoqarnissaanik qulakkeerisimasutut isumaginninnermut naalakkersuisumit Maliina Abelsenimit 5.000 kroninik kajmissaanerneqarpoq.
Ilaqutariit illuata ukiorpassuarni suliaanut annertuunut naalakkersuisut qujaniuteqarnertik takutipaat, tassani sulisut misilittagarnermikkut sulilluarnermillu ilaqutariit meeqqallu navianartorsiortut annertuumik tapersersortarlugit, aamma tassani ilaqutariit meeqqallu siunnersorneqarsinnaajuartarlutik, inuunerminnilu ingerlariaqqinnissaminnut nukissanik nutaanik aallertarlutuk.
- Nunatsinni isumaginninnermi sulinermi pitsaasunik sulinuterpassuaqarpoq, immaqalu tamakku nersorniarnissaat puigortarlutik. Isumaginnikkut sulilluartunut nersualaarinissarput eqqaamassavarput, taakkumi meeqqat inuusuttullu atugarisaannik pitsannguiniarnerminni immikkut ittumik suliaqartarput, Maliina Abelsen oqarpoq.
Isumagininermi sulinermi qanittumik suleqatigiinneq, inuit misigissusaannik, ineriartornerannik inissisimanerannillu paasinninneq pisariaqarpoq. Maani ilaqutariit illuat B2 Tasiilamiittoq ukiorpassuarni ilaqitariit ajornartorsiuteqartut qanimut ilisimannittuupput, saniatigullu suliaminnut pikkorissiartorsimallutik.
Kajumissaat tunniunneqarpoq Maliina Abelsenip Danmarkimilu isumaginninnermut ministerip Benedikte Kjærip Tasiilami tikeraarneranni, ajoraluartumilli silarlunneratigut Tasiilamut apuutinngitsoorput.