Aalisariutaatillit suleqatigiilerput
Aalisariutaatillit Sikuaq Trawl aamma Niisa Trawl raajat qaleruallit tuniniarnerani ataatsimoorussamik allaffeqalerput.
Aalisariutaatilli marluk Sikuaq Trawl aamma Niisa Trawl tamarmik immikkut raajanut kilisaateqartut, marluullutik suliffeqarfik Iceberg Seafood Hirtshalsimi tuniniaanermut allaffeqartoq. Raajat qaleruallit nunarsuarmi tamarmi tunisaanerat tassannga aqunneqassaaq.
Raajat nunatsinni tulaanneqartassapput, Aalborgimut umiarsuarmik assartorneqarlutik Hirtshalsimilu Nyfrostimi toqqorsivimmut biilerunneqarlutik.
Iceberg Seafood aamma raajanik Canadami Norgemilu tuniniaasarpoq. Allaffik Hirtshalsimi inissinneqarpoq, tassani periarfissaqarlunilu misilittagaqarfigineqarmat toqqorsiveqarneq, passussineq raajanillu poortueqqinneq, kiisalu sulisut sisamaagallartut Hirtshalsip eqqaani najugaqarmata.
Suliffeqarfiup nutaap naatsorsuutigaa ukiumut raajat qaleruallit 15.00 tonsit missaasa tunisarnissaat, siunissarlu ungasinnerusoq eqqarsaatigalugu taakku tunisassianik allanik ilaneqarnissaat eqqarsaataalluni, nordjyske.dk allappoq.