Peqqinnissakkut assigiimmik pineqassaagut
Peqinnissaqarfimmik nutarsaanermi kiffartuussineq aqutsinerlu pitsanngorsagassani pingaarnerupput. Sermitsiaq atuaruk.
Illoqarfinni minnerni nunaqarfinnilu aammalu illoqarfinni annerni peqqinnissaqarfimmit kiffartuunneqarneq assigiinngitsorujussuuvoq. Tamanna peqqinnissaqarfimmik nutaamik aaqqissuussinissap qangali utaqqineqartup ilaatigut qanoq iliuuseqarfigissavaa.
Nakorsat amigaatigineqartorujussuupput, nutaamillu aaqqissuussinermut tamanna sunniuteqassaaq. Maannakkut peqqinnissaqarfiit 16-it tallimanut ikilineqassapput, pisortallu ikilinerinik kinguneqassalluni. Taamaalilluni nakorsat aqqanillit allaffissornermik suliaarutissapput, nakorsallu amerlanerit nakorsatut sulisinnaalissallutik.
Nunap immikkoortuinut agguaassinermi peqqinnissamik sullissineq aamma pitsaanerulissaaq, naalakkersuisoqarfimmi pisortaq Ann Birkekær Kjeldsen oqarpoq.
Immikkut ilisimasallit nunap immikkoortuinut katersorneqassapput, pitsaassuseq assigiissoq anguneqarsinnaaqqullugu, nunami sumi najugaqarneq apeqqutaatinnagu. Pissutsit ullumikkut taamaanngilluinnarmata.
Naalakkersuisoqarfimmi pisortaq aamma naalakkersuisunut ilaasortaq Agathe Fontain (IA) qaammatini makkunani nutarterineq pillugu paasissutissiiniarlutik angalasarput.
Qaanaami najugallit, peqqinnissaqarfimmi sulisut suliffeqarfiillu allat ulluni makkunani tikeraarneqarput.
Sermitsiaq atuaruk...