Hasheerniarnermik inuussutilik
Hashimik tuniniaasartup suliffittaarnissani takorlooruminaatsippa aanngajaarniummik inerteqqutaasumik tuniniaasarnini isertitsilluassutigisaramiuk.
Ikiaroornartumik tuniniaasartup pisortat aningaasarsiffii isertitsiffigilaavittarpai.
ALLAASERISAQ ATUARUK: Ikiaroornartoq ullaakkorsiutitut
– Suliffeqannginnama taamatut ikiaroornartumik tuniniaallunga inuussutissarsiutigaara.
Sivitsorpoq ikiaroornartumik tuniniaasaleramali, immaqa ukiut marlut matuma siornali tuniniaasartuullunga ingerlavunga, taama oqarpoq ikiaroornartumik tuniniaasartoq aterminik isertuussisoq.
ALLAASERISAQ ATUARUK: Ikiaroornartumik akiuiniarneq ilungersunartoq
Tuniniaasarnermini anigaasarsiarisartakkani iluarisimaarpai, agguaqatigiissillugu ullormut 2000 kr. missaat isertittarlugit oqaluttuarpoq. Qaammatip naaneri aningaasarsiorfiginerpaasarlugu isertitsiviginerusarlugit unnerpaa.
– Kommunep ataani sulisut ullut 14-ikkaartumik akissarsinerani hash-imik tunisaqarneq malunnartumik qaffattarpoq, namminersorlutillu ataanni akissarsiallit aningaasarsiffiini hash-imik tunisaqarneq qaffariarnikinnerusarluni, taama hasheerniaq oqarpoq.
ALLAASERISAQ ATUARUK: Tarnimikkut nappaatillippassuit ikiarornartumik atuisuupput
Piviusut:
Hashi meeqqamik aseruisarpoq
Cannabis, ikiaroornartuni tassatuat ilagaat sananeqaateeqqap avittaqattaarneranik sunniuteqapiluttartoq, tamannalu kinguneqapilussinnaavoq amigaat kingornuttaganngorsinnaagami. Ukiut qulit kingulliit meerarpassuit inunngorsimasut, marihuanamik atuisut meeraat, tunarsimaarnerupput malinnaaniarnermt pikkorlunnerullutik inuunermilu anguniakkamik malersuinnginnerullutik.
Tusarfik: http://www.nejtilstoffer.dk/index.php/page.278/De%20skadelige%20virkninger%20ved%20hash.html