Saqqaq-kulturermiut isikkui itsaq nutsat takutippaat

Nutsat qilertamininnguit atorlugit qallunaat nunanilu allani ilisimatuut Kalaallit Nunaata inoqqaavisa qanoq isikkoqarsimanissaat takusassiaraat.

Professor Eske Willerslev (saamerleq) aamma ph.d. Morten Rasmussen silarsuarmi siullersaallutik inuit itsarsuarli nungussimasut gen-iinik pilersitseqqissimapput.
Professor Eske Willerslev (saamerleq) aamma ph.d. Morten Rasmussen silarsuarmi siullersaallutik inuit itsarsuarli nungussimasut gen-iinik pilersitseqqissimapput. Professor Eske Willerslev (saamerleq) aamma ph.d. Morten Rasmussen silarsuarmi siullersaallutik inuit itsarsuarli nungussimasut gen-iinik pilersitseqqissimapput. Professor Eske Willerslev (saamerleq) aamma ph.d. Morten Rasmussen silarsuarmi siullersaallutik inuit itsarsuarli nungussimasut gen-iinik pilersitseqqissimapput.

DNA-nik misissuisartup, professor Eske Willerslevip ph.d.-ngorniarlunilu ilinniartup Morten Rasmussenip, suleqataasalu allat Saqqaq-kulturimeersut timaasa sananeqaatigisimasaat pinngorteqqippaat.

Kalaallit Nunaanni inuit siulliit Sibiriameersuusimapput ukiulli 2.700-it siornatigut nungussimallutik.

Nutsat misissorneqarsimasut nunaqarfiusimasumi Ilulissat eqqaanniittumi (Qeqertasussuk, Qasigiannguit kujataaniittoq, aaqq.) nunami qeriuaannartumi 1980-ikkunni nassaarineqarsimapput. Taamanerniillu Nationalmuseemi Københavnimiittumi toqqortarineqarsimallutik.

Paasisat aqqutigalugit inuttarisimasaata qanoq isikkoqarsimanera timaatalu sananeqaataasa ilaat soorlu aavata qanoq ittuusimanera kigutaasalu saarllit qanoq isikkoqarsimanerat oqaatigineqarsinnaalerput.

Inuk, angut taanna taamatut atserneqarsimagami, nujaarukkiartortuusimallunilu minininnikkaajusimavoq. Issittumi inuunissamut naleqqussarsimasuuvoq, issittorsuugaluamiluunniit qiianani inuusinnaalluni, Eske Willerslev oqaluttuarpoq.

Misissuinermi paasisat tupaallannartut ilisimatuut atuagassiaata Naturep saqqaatigut saqqummiunneqarput.

DNA-t pisoqqat ajoqusersimagajuttarput, ilisimatuulli enzymimik nutaamik, ajoqusernernik suujunnaarsitsingajattartumik atortoqarsimapput.

Inuup inuuniarnermini atugaasa oqaatigineqarsinnaannngornerisa saniatigut DNA-lereriaatsip nutaanngorneratigut aamma itsaq inuit nunarsuarmi ingerlaartarsimanerat ersersinneqarsinnaanngorsimavoq. Inuiaat assigiinngitsut aavisa akuleriittarnerat iluaqutigalugu inuiaat assigiinngitsut aammik nutaamik akuneqartarsimanerat takuneqarsinnaannngorsimavoq.

Teknikilu taanna iluaqutigalugu aamma kingornussat nappaatillu inuit ullumikkutinuusut siuliminniit pissarsiarisimasaat paasisaqarfigineqarsinnaanngorsimapput.

Powered by Labrador CMS