Taarsigassarsinissamut periarfissat pitsaaneroqquaat
Kalaallit Danmarkimi ilinniagaqartut qallunaatut ilinniaqtimittuulli taarsigassarsisinnaajumapput.
Nunatsinni ilinniagaqarnersiutisisarneq atorlugu taarsigassarsiniartarneq eqarpallaaqaaq, kalaallit Danmarkimi ilinniagaqarttut kattuffiat Avalaka knr.gl-ip taamatut ilisimatitsinerarpaa.
– Uagut ataasiaannarluta taamaallaat 6.000 kroninik taarsigassarsisinnaavugut, taakkulu namminerluta allaffissornikkut aqussinnaanatigit, Avalaap siulittaasua Britt Anne Nielsen oqarpoq.
Ilinniagaqartut katuffiata Kalaallit Nunaanniit ilinniagaqartut qallunaatut ilinniagaqartutuulli SU-mik pisinnaatitaalernissaat piumasaraa, Danmarkimi ilinniagaqartut qaammammut ilinniarnermi taarsigassarsiatut 2.000 kroninik taarsigassarsisinnaasarmata. Semesterip ataatsip ingerlanerani katillugit 12.000 kroninik taarsigassarsisinnaasarlutik.
Kalaallilli ilinniagaqartut semesterip ataatsip ingerlanerani taamaallaat 6.000 kroninik ilinniarnermi taarsigassarsisinnaasarput. Tamanna allanngortinneqarsinnaasariaqarpoq, Britt Anne Nielsen KNR-imut oqarpoq.
– Uagut semesterip ingerlanerani 6.000 kroniniik taarsigassarsisinnaasarpugut, qallunaalli SU-nik pisartagaqartut marloriaataannik taarsigassarsisinnaasarlutik.
Naatsorsuinermulli aamma ilaassaaq, ilinniagaqartut Kalaallit Nunaanneersut aamma ilinniarnermik ingerlanerani 10.000 kroninik taarsigassarsisinnaasarmata.
Ukiullu tamaasa akiliunneqarlutik Kalaallit Nunaannut angerlarsinnaasarlutik.