Takornarianut ilisimasortaanissaq soqutigineqarpianngitsoq
Ikittuinnaat takkupput GTE sisamanngormat Københavnimi Kalaallit Illuutaanni sulisussarsiorluni ataatsimiititsimmat oqallitsitsillunilu.
Kalaallit Nunaanni akissariarissaarluni takornarianut ilisimasortatut periarfissarissaaraluartoq Kalaallit Nunaanni Takornariaqarnermut Inuussutissarsiornermullu Siunnersuisoqatigiit oqallitsitsillutik ataatsimiititsinertik: Kalaallit Nunaanni qanoq isillutit takornarianut ilisimasortanngorsinnaavit, taamaatiinnangajappaat takkuttut ikippallaaqimmata.
Ataatsimiititsinermi ilinniagaqartut saaffigineqjarput. Unnuulli ingerlanerani soqutiginnittut amerlanerulaartut takkuttarput peqataasut amerlanerulaalersillugit.
Takkuttut ikittunnguit tupaallannartumik paasissutissanik piviusunik pissarsinngillat.
Tassami GTE-p ksitsisissaqartinngilaa takornarianut ilisimasortat qanoq amerlatigisut amigaatigineqarnersut taamalu ajornartorsiut qanoq annertutiginersoq ilisimanagu. Taamaakkaluartorli kalaallinik takornarianut ilisimasortanik amerlanerusunik pissarsinissamut periarfissat oqaluuserineqarput, peqataasullu amerlasuunik pitsaasunik siunnersuuteqarput.
AG nr. 7-imi annertunerusumik atuarit...